New York - Ginenaaɓe holli mettu ɓernde maɓɓe

 Ñalnde 24 Siilto, ɓiɓɓe gineenaaɓe tuŋarankooɓe hollii mettu ɓerne eh Njeslaare (Alarba) to New York fewndo lamɗo leydi maɓɓe ndin, Mamadi Doumbuya, woni ka mbatu huuɓitu ngu Fedde Ngenndiije Dentuɗe (ONU/UN) / Dental leyɗe Aduna.

Ko eh nokkuure Dag Hammarskold ɓe holli mette ɗen, no tawaa eh ɗen :

• anngal jonnitugol neɗɗo on hakkee makko.

• tooñe ɗe ardiiɓe leydi ndin woni fawude eh ginenaaɓe ɓen.

Ɗen tooñe no tawaa mutingol e warugol yimɓe leydi ndin.

Sukaaɓe ɓen sonnjuno lanɗo on fota. Ko eh hoore karahan o yaltiri ka galle ka o tolnaa ɗon.

Ɓen no yenna mo, no sonka, no sooƴa, a wi’ay ka ñaaki weeri. Hiɓe wooka mo, ɓe noddira mo neɗɗo njaggu e konngi ɗi lannata.

Ɓiɓɓe leydi ndin buy no muti, hay gooto anndaa ka ɓe wontiri. No tawaa eh maɓɓe : Oumar Sylla jamitiiɗo Fonike Mengue, Mamadou Billo Bah, hooreeɓe ɗiɗo Fedde FNDC hataaɓe gila Morso 2024.

Hannde mutal maɓɓe ɓurii duuɓi ɗiɗi. E ɗuuɓube ɓe mi limaali ɗoo, wano Habib Marouane Camara, on ko o winnda-wowla (jayndiyanko).

Lanɗo leydi ndin haalaano hay huunde ko fewti kon, eh ɗen tooñe nde o jonnaa konngol to mbatu.

Golle: Diisondiral